جولولي

اشترك في خدمة الاشعارات لمتابعة آخر الاخبار المحلية و العالمية فور وقوعها.

سالي عبدالسلام تكشف تفاصيل معاناتها مع مرض مناعي أدى لتساقط شعرها

الخميس 28 يونية 2018 | 12:03 صباحاً
القاهرة - سارة إبراهيم
1455
سالي عبدالسلام تكشف تفاصيل معاناتها مع مرض مناعي أدى لتساقط شعرها

تحدثت الإعلامية المصرية سالي عبدالسلام عن معاناتها مع مرض مناعي أصاب شعرها منذ ما يقرب من عام، والذي أدى إلى تساقطه بشكل كبير، كاشفة أن هذا المرض هو مرض "الثعلبة"، إلا أنها أكدت أنها قد شفيت منه.

سالي نشرت صورة لها خلال زيارتها لمستشفى 57357 لسرطان الأطفال، على حسابها الخاص على "انستجرام"، وعلقت عليها بقولها: "كان بقالى سنة بحضر للزيارة دى! بعد ما الحمدلله ربنا عفا عنى.. وشفانى بعد ابتلاء واختبار.. كنت زعلانة على نفسى سنة ومش عارفة افرح!! بس رحت للناس الاقوى منى اللى خسرت شعرها كله ولسه مش عارفة هتعالج المرض ده ولا لا! رحت اتعلم الرضا..رحت اتعلم الحمد بضمير مرتاح..رحت عشان اعرف الابتلاء واتعلم منهم...رحت اهون عليهم !".

وأضافت: "قبل فرح اخويا بيوم!!! من سنة تقريباً بتعالج بالكورتيزون واتبهدلت.. جسمى ووشى كله اتبهدل عشان اعالج شعرى.. الحمدلله حقن الكورتيزون فى الرأس كل اسبوع ٧٠ شكة عداهم! من وجعها وتقلها وحرقانها دموعى كانت بتنزل لوحدها والدكتورة تطبطب عليا (سماح الملاح ..ربى يسعدك) وامى مستحملتش من اول مرة مردش اجيبها تانى معايا وكنت بخبى عليها واقولها مخدتش الاسبوع ده!".

وتابعت: "جالى ١٢ ثعلبة فى شعرى فاضيين تماماً سبحانك! لا stress ولا زعل ولا كلام فاضى الدكتور نفسه قالى عين انا مشفتش حد كدة!!! وانا قلت لا.. مع ان العين حق.. وانا مؤمنة بالحسد ولا اتناقش فيه وميهمنيش رأى حد.. ومن الأسباب مشكلة فى مناعة جسمى.. جسمى كله كان بيهاجم شعرى.. سبحانك.. الحمدلله.. ابتلاء فى اكتر حاجة بحبها و بخاف عليها!"

واستطردت: "قعدت اتعالج ٤ شهور غلط وكان شعرى كله هيروح وكانت كل شوية بتكبر وكانوا اتنين لفيت على ٨ دكاترة عشان مكسوفة اروح لدكتور معروف! او حتى اعمل شعرى عند كوافير عشان مضايقة ومكسوفة منها حتى فى تصوير لبنان لحد ما تطلع الحمدلله.. المذيعة مفيدة شيحة كلمتنى وكلمتلى دكتور عاصم فرج ومخدش منى اى فلوس وكنت مش عارفة اشكره او اشكرها ازاى!.. فى ميزان حسناتكم فكيتوا كربى... ربى يسعدكم"

وأضافت: "وللناس اللى بتسأل على روتين ازاى بهتم بشعرى وmsgs مش برد عليها والله ما عندى روتين وعشان كدة مش برد مش خبث! .. ربنا يبعدنا عن اى خبث و ربنا يعلم انى لو فى اى حاجة اقدر افيد بيها هرد دايماً.. انا بستعمل شامبو وبلسم للاطفال ومعروف وحمامات كريم كلها مصرى مش مستوردة و مش بغلاء المنتج النتيجة بتبقى احسن! ابداً والله.. وفى الأخر كلها جينات وبتختلف من حد لحد!! محدش فينا زى التانى!".

وتابعت: "ووالله بحط اكستنشنز ساعات كتير زى اغلبية البنات مش هكدب.. وجالى اعلانات منتجات كتير مش شعر بس وجربتها ومفيش منها نفع.. ومش هعملها لو مش مقتنعة!!!!!! ناس من اهل بيتى عارضتنى انى برفض الرزق.. واتمسكت بموقفى!!

الله الغنى عن اى رزق مش مقتنعة بيه او مش شايفاه حلال ويسترنا.. لو تعرف انهم ٢٤ قيراط وترضى بدل ما تستكتر على حد حاجة واتحرم من حاجة بدالها وربنا وزعهم بالعدل وباللى شايفاه انفع ليك.. وارجع تانى واقول لكم دينكم وليا دينى.. لكم افكاركم وليا افكارى والله !".

سالي عبدالسلام
زفاف شقيق سالي عبدالسلام
سالي عبدالسلام
سالي عبدالسلام
سالي عبدالسلام