هكذا احتفلت شيماء سيف وزوجها بالذكرى الأولى لخطبتهما

احتفل المنتج محمد كارتر بالذكرى الأولى لخطبته من الفنانة المصرية شيماء سيف، بأن قام بإرسال رسالة رومانسية لها، وذلك على حسابه الخاص على موقع "انستجرام".

زوج شيماء قال في رسالته لها: "السنة اللي فاتت زي النهاردة خطبت اجمل واطيب واحن إنسانة شوفتها في عمري اليوم ده كان احلي يوم في عمري ومعتقدش إن في حد في الدنيا كان عنده الاحساس اللي كان عندي ساعتها كل سنة وانتي قلبي وروحي وعمري وحببتي وبنتي ومراتي ربنا يخليكي ليا وميحرمنيش منك ابدا".

وأضاف: "كل سنة وانتي معايا وشايلة اسمي كل سنة وانتي نجمتي المفضلة كل سنة وانتي قمري كل سنة وانتي السند والضهر وعقلي اللي بفكر بيه كل سنة وانتي عايشة جوايا وحواليا ومعايا في كل اوقاتي في السنة دي انتي وقفتي معايا وورايا وخلتيني اخد قرارات واعمل حاجات مصيرية كانت موقفة حياتي كلها .وعمري ما كنت فاكر انها ممكن تخلص أو تتحل لاكن بتبسيطك الأمور وكلامك معايا ان مفيش حاجة صعبة ومفيش حاجة مستحيل دنيتي كلها اتحلت وكل مشاكلي راحت علشان انتي جنبي وفي كتفي وقفتي جنبي وفي ضهري كتير ولسه هاتوقفي اكتر واكتر علشان انتي ونعمة الزوجة ونعمة السند بحبك ياعمري وبوعدك قدام العالم كله إن السنين اللي جايا هاتبقي احلي سنين في عمرك اللي فات واللي جاي".

ومن جانبها، ردت شيماء على رسالةعريسها، بقولها: "ربنا مايحرمنيش منك يارزق ونعمة من ربنا وربنا يحفظك يا جوزي يا حبيبي يا كل دنيتي".

يذكر أن شيماء سيف قد احتفلت بعقد قرانها على المنتج محمد كارتر في 4 مايو الماضي في مسجد الشرطة بمنطقة الشيخ زايد، بحضور عدد كبير من نجوم الفن، على رأسهم يحيى الفخراني، والذي شهد على عقد القران.