جولولي

اشترك في خدمة الاشعارات لمتابعة آخر الاخبار المحلية و العالمية فور وقوعها.

ابنة علي الحجار تروي تفاصيل خلاف والدها مع محمد رمضان

الاربعاء 04 يوليو 2018 | 12:36 مساءً
القاهرة_Gololy
4162
 ابنة علي الحجار تروي تفاصيل خلاف والدها مع محمد رمضان

كشفت مشيرة الحجار، ابنة الفنان المصري علي الحجار، تفاصيل الخلاف بين والدها والفنان محمد رمضان.

ابنة علي الحجار، نشرت فيديو لمحمد رمضان، عبر صفحتها الشخصية بموقع «فيس بوك»، وهو يتحدث عن خلافه مع علي الحجار، وعلقت عليه قائلة: «البرنامج ده قديم مش جديد، و القصة دي رمضان حكاها كذا مرة في برامج و كل مرة يغير فيها تفصيله بسيطة، و أبويا عمره ما رد، و كان شايف إن الموضوع مش مستاهل يترد عليه، و أنا الصراحة مستغربة جدًا هو ازاي بيحكيها بثقة قوي كده و جاب الخيال ده منين؟!».

وأضافت: «أنا قررت دلوقتي إني أقول القصة الحقيقية لأن أبويا يستاهل ده، و ده حق ربنا، و هيشهد على كلامي اخويا أحمد الحجار، لأنه كان له دور رئيسي في المسرحية، غير إن طبعا المسرحية ليها أبطال و مخرج عارفين الحقيقة.. الي حصل ان المخرج اختلف مع محمود عزب أحد الأبطال، خلاف شخصي فقرر يفاجئ الفنانين بأنه جاب رمضان يوم واحد.. علي الحجار شاف ان عزب مايستحقش كدة بعد تعبه في 6 شهور بروفات و قال لرمضان وقتها انت ملكش علاقة بالموضوع خالص و كان حيادي جدا.. فقرة الناس اللي كتفوه و ضربوه دي ما حصلتش، ولا عمر أبويا اصلا كان عنده بودي جارد، و موضوع القلم الألماظ عليه علامات استفهام كتير!!».

وتابعت: «جو المعاناة اللي رمضان عايش فيه ده و إن الناس افترت عليه و هو صامد كالجبل رخيص قوي، و الكدبة إن دلت على حاجة فهي تدل على شخصية صاحبها.. اتعرفوا كويس على الفنان المكافح محمد رمضان!، و على فكرة كلنا بنكافح بطريقتنا.. أبويا نفسه جي من عيلة بسيطة و كافح و بنى نفسه بس الموضوع مش لبانة في بقه يستعطف بيه الناس».

وأنهت كلامها قائلة: «احنا في زمن الكدب و الافتراء شيء عادي جدا، و الكدبة او الفضيحة تنتشر اه، انما تنشر الحق؟ لا طبعا! الناس تحب الفضايح!».

يذكر أن علي الحجار، شارك مؤخرًا في إعلان لإحدى شركات المحمول برفقة محمد رمضان، وعرض خلال شهر رمضان الماضي.

علي الحجار و محمد رمضان
علي الحجار و محمد رمضان
علي الحجار و محمد رمضان
علي الحجار و محمد رمضان
علي الحجار