هالة صدقي تعتذر لهياتم بعد رحيلها.. تعرف على السبب

وجهت الفنانة المصرية هالة صدقي، رسالة اعتذار خاصة للفنانة هياتم، بعد ساعات قليلة من رحيلها.

هالة صدقي، قالت عبر صفحتها الشخصية بموقع «فيس بوك»: «حقك عليه اتأخرت علي زيارتك كتير وعارفه انك كنتي مستنية تشوفيني وربنا وحده اللي عارف أنا اتأخرت ليه، وشفتك أول إمبارح في الحلم وإنتي لابسه جلابية سوده وشعر أسود طويل وبتعيطي وبتعتبي عليه إني ماجتش ليكي وقَعَدت أعتذرلك وأول ما صحيت اتصلت بيكي وجه اللي يعطلني وينسيني أكلمك تاني ، لكن في نيتي إن أول زيارة كانت لازم تكون ليكي وإن الموبيل مش كفاية».

وأضافت: «أنا اتأخرت عليكي يا حبيبتي يا صاحبة يا جدعة يا جميلة يا طيبة يا صاحبة الواجب حقك عليه حقك عليه ومحدش عارف هشوفك أمتى تاني».

يذكر أن هياتم، رحلت عن عالمنا مساء أمس الجمعة، وذلك بعد صراع طويل مع مرض سرطان القولون عن عمر يناهز الـ 69 عامًا.