عندما بكت ياسمين صبري بسبب محمد إمام.. فيديو
كشف الفنان المصري محمد إمام تفاصيل مشهد صعب جمعه بالفنانة ياسمين صبري ضمن أحداث فيلمهما الأخير "ليلة هنا وسرور".
الفنان المصري نشر مقطع فيديو من كواليس المشهد، على حسابه الخاص على موقع "انستجرام"، وأرفقه بتعليق قال فيه: "من أصعب المشاهد اللي صورتها ‼ انا و #ياسمين_صبري بنجري بالبيچامه و الروب على كوبري قصر النيل يوم الخميس بليل".
وأضاف: "اللي اول مرة تعرفوه ، ان واحنا بنجري ياسمين وقعت مني في وسط الكوبري وقعدت تعيط على الارض لان كان عندها اصلاً رباط صليبي والناس ابتدت تتلم علينا جامد ، وانا قاعد بهدي فيها و اسلم على الناس في نفس الوقت ، لحد ما عربية الانتاج جت بسرعه و ركبناها فيها و مشيت وانا من كتر اللهوجه نسيت اركب معاهم".
وتابع: "وفجأة لقيت نفسي واقف لوحدي بالروب وحافي في وسط أمة لا اله الا الله وعاوزين كلهم يتصورا معايا او اتصورا خلاص والدنيا اتقلبت و انا مش لاقي ولا حد من التصوير، لحد مالقيت واحد صاحبي معدي بالصدفه بعربيته ولحقني، و في نفس الوقت طقم التصوير بيدورا عليا و مش عارفين انا فين، كان يوم صعب بس عدي على الخير الحمدلله و المشهد طلع لطيف جداً #محمد_امام".
وفيلم "ليلة هنا وسرور" عرض في موسم عيد الفطر الماضي، وهو من بطولة محمد إمام، وياسمين صبري، فاروق الفيشاوي وأحمد فهمي، وأحمد صلاح السعدني، ورحاب الجمل وبيومي فؤاد ومحمد سلام ومحمد ثروت، والبطل المصري كرم جابر، وغيرهم وهو من إخراج حسين المنياوي وتأليف مصطفى صقر ومحمد عز، وهو من إنتاج شركة «سينرجي».
وتدور أحداث الفيلم حول «سرور»، وهو رجل أعمال يحب فتاة تدعى «هنا»، ولكنه يتورط مع إحدى العصابات، ويضطر للهرب منهم.
