جولولي

اشترك في خدمة الاشعارات لمتابعة آخر الاخبار المحلية و العالمية فور وقوعها.

هنا الزاهد متهمة بالتكبر.. كيف ردت؟

الجمعة 12 أكتوبر 2018 | 01:27 صباحاً
القاهرة - Gololy
907
هنا الزاهد متهمة بالتكبر.. كيف ردت؟

فوجئت الفنانة المصرية هنا الزاهد باتهام لها من إحدى متابعاتها على موقع "انستجرام" بالتكبر، وذلك لعدم ردها على رسائل معجبيها.

المتابعة كتبت: "هو لية بتتكبري ومبترديش علي معجبينك اللي بتطلعو في التلفزيون وتقولوا احنا لولا الجمهور مكناش هننجح وكل الجو دة لكن في الرسايل لاء حشرات بتتكلم ومحدش يرد لكن لو فنان معمول علي صفحتو صح لازم تردي علي فكرة انتي بتتكبري عشان ممثلة فمترديش انتي اصلا لو كنتي بتحبي الفانز بتوعك كنتي تردي عليهم وعلي كل الحب والكلام دة".

وأضافت: "أي يعني ممثلة بتظهري في التلفزيون أهم حاجة انك تحبي جمهورك ومتكنيش متكبرة بس انتي متكبرة خالص عكس النجم والفنان احمد فهمي علي فكرة انا صغيرة عندي 15 سنة وبما حد بيكتب لأحمد فهمي حاجة تعليقات بيرد علي الصفحة ومش متكبر وبيتصور مع الفانز بتوعو علي فكرة انا بحبك بس انا مش بحب الممثل المتكبر وانتي بصراحة متكبرة اوي وكلنا زي بعد بني ادمين يعني مفيش حد مختلف عن حد دة حتي صورة ممتك في ناس كتير بتدعلها وبتقلك ربنا يشفيها ويخليهالك وانتي حتي مش مكلفا نفسك تردي عليهم".

هنا ردت على هذا الاتهام، بقولها: "اشكرك على اهتمامك بس انا قبل كده نزلت مع الفانز بتوعي وبتواصل معاهم دايما واكيد مش هعرف ارد على التعليقات دي كلها لانهم كتير الحمد لله بس هيخدوا مني مجهود و وقت طول اليوم اني اجاوب واحد واحد. بس من الوقت للتاني بطلع لايڤ و بشكرهم كلهم".

يذكر أن هنا الزاهد قد احتفلت بخطوبتها إلى الفنان أحمد فهمي مساء الأربعاء 15 أغسطس، بعد قصة حب قصيرة جمعتهما، وحضر الحفل والدة هنا شيرين المنزلاوي وطليقها الفنان طلعت زكريا وشقيقة هنا، وكذلك الفنان كريم فهمي شقيق الفنان أحمد فهمي، كما حضر والد العريس.

خطوبة هنا الزاهد واحمد فهمي
خطوبة هنا الزاهد واحمد فهمي
هنا الزاهد2
هنا الزاهد
هنا الزاهد