شقيقة دينا هارون تعلق على احتفال سلاف فواخرجي تزامنا مع وفاة أختها

وجهت الفنانة السوية تولاي هارون، شقيقة الفنانة الراحلة دينا هارون، رسالة خاصة لكل الذين ساندوها بعد رحيل شقيقتها.

تولاي قالت عبر صفحتها الشخصية بموقع «فيس بوك»: «شكرًا من القلب لكل شخص وقف معنا، والله يرحم أختي دينا.. رح تضل روحها عايشة بيناتنا.. وبدي أشكر مشفى الأسد الجامعي بكل كوادره من الإدارة للأطباء للممرضات اللي ما قصروا.. شكرًا من القلب».

كما ردت على الانتقادات التي تعرضت لها الفنانة السورية سلاف فواخرجي، بعد مشاركتها في معرض فني عقب العزاء مباشرة قائلة: «وحابة قول لكل الزملاء والزميلات ما قصرتوا أبداً بوقفتكن معنا، وبدي منكن طلب.. دينا الله يرحمها كانت تحب الفرح وكانت تزرع الفرح وين ما كانت».

وأضافت: «إذا بتحبوها خليكن سعيدين ومبسوطين.. الدنيا قصيرة وهلق عم شوف اليوتيوب مستلمين زميلتين إلنا: سلاف فواخرجي وسلافة معمار».

وتابعت: «حابة وضح وقول إنو الاتنين ماتركوني، والله يقدرني ردلكن ياها بالأفراح.. واللي عم ينكتب عنهن بطريقة سلبية بقلهن عيب اللي عم ينكتب، والله عيب. بقلكن أنا على الأقل بعرف كيف كنتوا واقفيين معي وماتركتوني».

وأنهت كلامها قائلة: «حابة قول لكل شخص وقف معنا شكرًا من القلب، وانتو بتعرفو حالكن واحد واحد، وأنا بعرفكن منيح وبعرف شو عملتو معي.. لاتهتموا شو بينكتب عنكن.. عيشوا حياتكن بفرح لأنو دينا رح تكون سعيدة بقبرها إذا كنتوا مبسوطين، بحبكن وشكراً».

يذكر أن الفنانة دينا هارون رحلت عن عالمنا يوم 8 أكتوبر بعد معاناة مع المرض عن عمر يناهز الـ 44 عامًا.