جولولي

اشترك في خدمة الاشعارات لمتابعة آخر الاخبار المحلية و العالمية فور وقوعها.

عمرو دياب ينفعل على معجب بسبب أغنية.. وبهاء الدين محمد يهاجمه.. فيديو

الاحد 21 أكتوبر 2018 | 12:07 صباحاً
القاهرة - Gololy
1013
عمرو دياب ينفعل على معجب بسبب أغنية.. وبهاء الدين محمد يهاجمه.. فيديو

انفعل الفنان المصري عمرو دياب على أحد المعجبين، خلال حفله الأخير بجامعة مصر الدولية، في مدينة 6 أكتوبر.

الفنان المصري انفعل على المعجب بعد أن طلب منه أكثر من مرة غناء أغنية " قال فاكرينك"، حيث قال: "والله ما هقولها.. إنت لو قعدت 100 سنة تطلبها والله ما هقولها".

وأضاف: "إنت هتمشيني على مزاجك؟ مش عاوزها، إنت غريب أوي.. لو كنت عاوزها كنت نزلتها في الألبوم، وأنا مش عاوزها.. مزاجي مش عاجبك ما تسمعنيش".

تصرف دياب أثار غضب الشاعر بهاء الدين محمد، مؤلف الأغنية، وهاجم الفنان، على حسابه على "الفيس بوك"، حيث كتب: "فى حد يعمل كده ؟!!! الأغنية دى مابقيتش أغنيتى ولا أغنيتك !! .. دى أغنية الجماهير !! أول مره أشوف حد بيحارب نجاح أغنية له ...!! معلش .. ( الحقيقة ) مره .. ولسه".

وبعد تعرضه لهجوم من جمهور عمرو دياب، كتب: "أولا: بعد أحداث هذا اليوم  واللى عايز يتابعها ف البوست اللى قبل ده لمجرد إعتراضى على الطريقة والإسلوب اللى إتكلم بيه عن أغنية ناجحة خلاص.. وإكتشافنا للهجمات المنظمة المدفوعة طبعا ومقصودة من الشتائم وقلة الأدب اللى مستحيل تطلع من جماهير عمرو دياب أقول : قرارى اللى خدته لارجعة فيه" .

وأضاف: "ثانيا: عمرودياب موجود من غيرى لأن له تاريخ وإسمه ومكانته.. وأنا الحمدلله ليا تاريخى مع كل حد غنالى و بانجح الحمدلله نجاحات واضحة وملموسة يعنى مش محتاجين بعض نهائى.. ثالثا : لو هما دول جماهيره يبقى أنالغيت من تاريخى أى أغنية كتبتهاله ولن تجدوا بوست ف يوم من الأيام مضمونه ولو سطر من أعمالى معاه".

واختتم كلامه بقوله: "وأشكر كل إنسان وإنسانة إتكلموا عنى ولو حرف ب بحب وإحترام .. وشكرا وإنتظروا العديد من الأعمال اللى إن شاء الله تحبوها زى الحقيقه وغيرها".

وكان بهاء الدين محمد قد وجه من قبل رسالة غاضبة لعمرو دياب بعد أن قام الأخير باستبعاد أغانيه من ألبوم “معدي الناس”، حيث قال: "يا عمرو دياب بعد متابعة آلاف الرسائل والتعليقات على كل المواقع !!!.. يكفينى شرف حب جماهيرك ليا.. الجماهير اللى شايلهم كل الإحترام والتقدير .. اللى مهما إتكلمت وكتبت مش ح اقدر اردلهم هذا الحب والتعلق والإرتباط وأوعدك ح افضل ناجح ومستمر لآخر نفس وأكتبلك تعهد بهذا”.

عمرو دياب يفتتح حفله في الساحل الشمالي بأغنية الليلة و الجمهور يستقبله بعاصفة هتافات الإعجاب
عمرو دياب
بهاء الدين محمد وعمرو دياب2
بهاء الدين محمد وعمرو دياب
عمرو دياب