شريف رمزي يحيي الذكرى الرابعة لوفاة والده بكلمات مؤثرة.. شاهد

أحيا الفنان المصري شريف رمزي، الذكرى الرابعة لرحيل والده المنتج حسن رمزي، برسالة مؤثرة عبر صفحته «فيس بوك».

شريف رمزي، قال: «إنهاردة مر أربع سنين علي رحيل أغلي و أحن وأطيب وأعظم راجل في حياتي وده الحدث الوحيد اللي مببقاش عارف أفرق فيه هل الوقت بيجري بسرعة الصاروخ ولا الحياة متوقفة و الوقت مبيعديش أصلاً و الحقيقة أني مهما قعدت أكتب في كلام مش حقدر أوصف ولا أدي لهذا الرجل حجمه ولا قيمته ولا أهميته لكن كل اللي عايز أقوله جوايا بقولهوله و أنا عارف إنه بيوصله».

وأضاف: «طالب من كل الناس تدعيله و تفضل فا كراه و بنصح كل الناس إنهم ميضيعوش ولا ثانية بره حضن أبوهم و يستمتعوا علي قد ما يقدروا بيه و بنعمة وجوده معاهم لأنهم مش حيفهموا أهميته الجبارة للأسف إلا لما يفقدوه الله يرحمك يا أبويا و يا رب يجمعنا بيك في الجنة».

وكان حسن رمزي، قد توفي يوم 13 يناير في العاصمة البريطانية لندن، بعد صراع مع مرض سرطان الرئة عن عمر يناهز الـ 62 عامًا.

وكان آخر أعمال شريف رمزي، مشاركته في إحدى حكايات مسلسل «نصيبي وقسمتك» الجزء الثاني، والتي حملت عنوان «أحمد يا عمر» وشارك في بطولتها بسمة وهيدي كرم.