محمد رشاد: يوم زفافي تحول لتصفية حسابات

قال الفنان المصري محمد رشاد، نجم برنامج «Arab Idol»، إن يوم زفافه على الإعلامية مي حلمي، الذي ألغي قبل ساعتين من الحفل كشف له الكثير من الوجوة.

محمد رشاد، قال عبر صفحته الشخصية بموقع «إنستجرام»: «أنا شفت شماتة في أكتر يوم كنت بستناه مع أكتر بنت حبيتها فعمري كله و كنت بحسها بنتي و حبيبتي و صحبتي طبعا من وقت المشكلة اللي حصلت اليوم دا لحد النهاردة استفدت كتير من اللي حصل حواليا .. أولهم إن ناس كتير ممكن تبين فرحتهم و هما مش فرحانيين ليك من قلبهم دا تمثيل».

وأضاف: «وقت المشكلة بيتحول الفرح لتصفية حسابات علي حساب أي حد.. تاني حاجة ناس كتير بالذات فمجالي هتبين إنهم أصحابك و بيحبوك و عايزين يفرحوك ووقت السبق هتلاقيهم أول ناس بيستغلوا الخبر عشان محدش يسبقهم و يبقوا أوائل الناس حتي لو بكدا بيخوضوا في تفاصيل حياتك الشخصية حتي لو بالكدب .. فالأخر مش هيفضل غير اللي بيحبك و بيتمنالك الخير».

وتابع: «الناس وآرائهم مش هيكملوا معاك حياتك بس اللي بيحبك و عايزك معاه هوا بس اللي هيفضل، يا رب لو في خير بينا يجمعنا تاني مع بعض ولو النصيب مش خير يهدي كل واحد لطريق سعادته حتى لو مش مع بعض.. اتمنولنا الخير ولكم المثل يا رب».