سرقة منزل الفنان محمد علي.. صور

كشف الفنان المصري محمد علي، عن تعرض منزله للسرقة في مدينة برشلونة الإسبانية، وذلك في منشور عبر صفحته الشخصية بموقع «فيس بوك».

محمد علي، نشر صورة من منزله بعد سرقته وعلق عليها قائلًا: «مساء الرضا على الغاليين.. زى ما بنقول الحلو نقول الوحش لو ظهر ( الحق ) إمبارح الشقة اتسرقت واتسرق منها حاجات مش عايز اتكلم».

وأضاف: «ولكن المصيبة اللي مش مصدقها إننا بلغنا الشرطة و الشرطة جاءت بعد ٣ ساعات يعنى الحرامي زمانه سافر فرنسا واللي جنني زيادة إنهم مش عملوا حاجة اتفرجوا على الفيديو بتاع العمارة وشافوا الحرامي بس مخفي ملامحه واتكلوا على الله».

وتابع: « تقريباً المفروض كنت أبقى مهم عشان يهتموا والله ماكنتش اعرف و كنت متخيل إن الشرطة مسيطرة هنا فوق الخيال ولكن طلعت مش تمام وللأسف هنرجع نحمى أنفسنا كالعادة نقطة وحشة في حق برشلونة وأتمنى يعالجوها».

يذكر أن محمد علي، شارك في السباق الرمضاني الماضي بمسلسل «طايع»، مع الفنان عمرو يوسف، والمخرج عمرو سلامة، كما شارك قبل ذلك في مسلسل «شارع عبدالعزيز»، الجزء الثاني.

الفنان المصري شارك في فيلم «البر التاني»، وهو من تأليف زينب عزيز، بطولة محمد علي وحنان سليمان وعمرو القاضي ومحمد مهران وعفاف شعيب ومحمد جلال وسليم سليمان وعدد من الوجوه الشابة، إخراج علي إدريس، إنتاج شركة كرياتيفو لعام 2016.