جولولي

اشترك في خدمة الاشعارات لمتابعة آخر الاخبار المحلية و العالمية فور وقوعها.

محمود العسيلي يعتذر بعد تصرفه غير اللائق مع معجب

الخميس 18 يوليو 2019 | 01:22 صباحاً
القاهرة - Gololy
544
محمود العسيلي يعتذر بعد تصرفه غير اللائق مع معجب

تعرض الفنان المصري محمود العسيلي لهجوم عنيف من جمهوره بعد انتشار مقطع فيديو من إحدى حفلاته، ظهر فيه وهو يرفض التصوير مع معجب بطريقة غير لائقة.

العسيلي قرر الاعتذار لجمهوره على هذا التصرف، حيث كتب، على حسابه الخاص على موقع "انستجرام": "أي فنان عارف إنه من غير جمهوره ولا حاجة وصفر عالشمال، وإن من تواضع لله رفعه.. بعتذر بشدة لكل الناس اللي اتضايقت من الفيديو اللي انتشر وبعترف إني كنت غير موفق تماماً في اختيار الألفاظ، ولكن الصورة والله ناقصة وكان كل نيتي عدم تمييز حد عن حد أثناء الحفلة. أنا اسف مرة تانية"

وأضاف: "النقطة التانية إني حاولت أقول للشخص اللي بكلمه إن ماينفعش عشان الناس دي كلها لازم تتصور ٣ مرات برا المايك، ولكن هو كان لحوح جدا وكان مصمم وكان صوته عالي جدا وبيزعق وأنا مش عارف اغني، فللأسف قلتله كدة بحسن نية وللأسف كل الكلام دة مش باين في الفيديو. اعتذار".

وكان محمود العسيلي قد أثار غضب جمهوره بشدة بعد تداول مقطع فيديو من إحدى حفلاته، ظهر فيه وهو يرفض التصوير مع معجب بطريقة غير لائقة.

فعندما طلب أحد المعجبين من العسيلي التصوير معه، رد عليه الفنان بقوله: "هو حضرتك معاك واسطة ولا حاجة؟ جامد جدا مثلا؟.. ولا أنت بتحبني وكل الناس دي بتكرهني، لو اتصورت معاك مش المفروض إني أتصور مع الناس دي كلها".

رد العسيلي استفز جمهوره بشدة، وسأله أحد متابعيه على موقع "تويتر"ايه موضوع الوسطه دا يا عسيلي هو لازم إللي يتصور معاك يبقي معاه واسطه".

الفنان المصري دافع عن نفسه، بقوله: "حضرتك فاهم الموضوع غلط خالص.. دي كانت حفلة كبيرة جدا فيها مئات الطلبة وواحد منهم مصمم يتصور".

وأضاف: "لو أتصورت معاه مش هاغني لأني لازم أتصور مع كل الناس اللي في الحفلة.. باقوله اشمعنا هاتصور مع حضرتك انت بس .. من فضلكم متحكموش على حاجة انتو مش فيها .. و شكرا".

محمود العسيلي يتألق بحفل شم النسيم بالمعادي
محمود العسيلي يتألق في خيمة ليالي ميراج بحضور نجوم الفن والمشاهير
محمود العسيلي يتألق يشعل ليالي الميريلاند ب ابن مصر بحضور كامل العدد وسط نجوم الفن والإعلام
محمود العسيلي
محمود العسيلي