هند صبري تحارب الإرهاب الفيسبوكي
شنت الفنانة التونسية هند صبري هجومًا شرسًا على من علقوا بأسلوب جارح على كتاباتها وتعليقاتها على أحداث كلية الآداب بتونس ووجهوا إليها العديد من الاتهامات، وذلك عبر صفحتها على موقع التواصل الاجتماعي "فيس بوك".
هند كتبت: " أعزائي محبي الإرهاب والترهيب الفكري الفيسبوكي على خاطر ماعندكم ماتصنعو وانتو أجبن من أي مواجهة حقيقية..أحبائي متاع الحملات المنظمة على صفحات بعينها في نصاص الليالي..اللي عاملين فيها حماة الدين والأخلاق الحميدة وانتو مالكم غير السب والقذف والكره والحقد والجهل وكل شيء يبعدكم عن الدين".
وتابعت: " قال شنوا عاملين علي حملة كيفاش نفتي" في الدين على خاطر إعترضت على همجية وأسلوب اللي احتجزوا العميد وقلت"استقيموا يرحمكم الله"..على أساس اللي كلام ربي ولًا حكر عليكم "ولا ما تفهموهاش كلمة حكر؟" و انتوما اللي تقرروا شكون يحكي في الدين وشكون لا وشكون يدخل الجنة وشكون يدخل النار زادا يافقهاء فيسبوك والجملة ذات المعاني الجميلة رديتوها "فتوى" باش تهيجو الببغاوات!.
وأضافت: "أحبائي نحب نقولكم : مسلمة ونص ونحكي علي ديني ونص وندافع على مفهومي لديني اللي وصلتلو بقلبي وعقلي اللي أنعم عليا ربي بيهم و بقرايتي وبثقافتي.. وبصوت عالي قد صوتكم اللي قريب يطرشنا ".
الفنانة التونسية اختتمت رسالتها بقولها: تنويه واجب: ليس هناك أي تعميم في كلامي. ولا أقصد به أي حزب أو مجموعة بعينها.هذا رد على حملة منظمة تحب تشوه اللي قلتو وتسلبو من معناه وتحب تسكت أي رأي مخالف بالإرهاب و التشويه والسب .