بلال فضل: الأمن هو المسئول عن مجزرة بورسعيد
أدان السيناريست والكاتب المصري بلال فضل الأحداث التي وقعت مساء أمس في ملعب النادي المصري البورسعيدي عقب مباراته مع النادي الأهلي القاهري، والتي أسفرت عن مقتل ما يقارب الـ80 شخص، متسائلا عن غياب الدور الأمني في تلك الأحداث.
فضل حمل الجهاز الأمني مسئولية ما حدث بقوله: "اللي معلوماته طشاش عن الكورة يعرف إن في ماتشات كلها قلق على راسها الأهلي والمصري لذلك المسئول عن المذبحة هو اللي ما أمنش الماتش عشان تحصل".
السيناريست المصري اعتبر ما يحدث مؤامرة على الثورة المصرية ومحاولات لقتلها بقوله: "شدي حيلك يامصر. عايزين يقتلوا فيكي حلم الحرية عشان مصالحهم تفضل زي ماهيا وعشان تفضلي محنية الرأس وخيرك ليهم بس.شدي حيلك يا مصر".
فضل أضاف على صفحته بموقع «تويتر»: لما مات ألف مصري غرقا جبنت الملايين عن تحميل المسئولية لمبارك واتشطروا على غيره هل ده خلى البلد أفضل هل ده خلاها أمان؟ العدل أساس الملك.
فضل تابع: نفكر بالعقل، التقارير المبدئية بتقول إن أغلب الوفيات بإصابات مباشرة في الرأس. مين بقى اللي دخل الشوم.هل كان العدد ده هيموت من بونيات وشلاليت.
فضل تساءل: لو مش شايفها مؤامرة طيب فين دور الحاكم في فرض الأمن وهل يقبل ضميرك إنك تسمح له بالفرجة على القتل؟ ولو قبلت وسكت ياترى دورك كضحية هييجي إمتى؟.