مشادة كلامية بين عمرو أديب وزوجة أحمد عز على الهواء

وقعت مشادة كلامية بين الإعلامي عمرو أديب والسيدة عبلة، زوجة أحمد عز، أمين التنظيم السابق في الحزب الوطني المنحل، على الهواء مباشرة خلال تقديم أديب برنامج "القاهرة اليوم" مساء أمس، الجمعة، وذلك بسبب ما قاله أديب عن رجال النظام السابق المسجونين حاليا في سجن طرة، وتحميلهم مسئولية كل ما يحدث في مصر من أعمال عنف وشغب؛ لا سيما أحداث بورسعيد الأخيرة.

عبلة، قالت - في مداخلة هاتفية- "لو كان كل مصيبة في البلد سببها اللي في سجن طرة، ياريت تخرجوهم يمسكوا البلد ماداكم همه جامدين كده". وأكدت أن من يطالبون بتوزيع رموز النظام السابق على السجون، وليس وضعهم في سجن واحد، عليهم أن "يختشوا" مما يقولوه.

وأضافت في لهجة شديدة الغضب:"انتو مالكم ومال اللي فى طرة، سيبوهم فى حالهم، هم حاليا فى أيدى القضاء، ويحاكمون في قضايا واهية"، وحين رد عليها عمرو أديب قائلا :"لما هي واهية بتتدخلي في شغل القضاء ليه؟" فردت عليه :"أنا من حقي أدافع عن الراجل.. وبعدين مش أنت اللي طلبت إنه يتعدم" فرد عليها قائلا "محصلش.. أنا قلت المفروض كل واحد فيهم يروح سجن".

زوجة رجل الأعمال سألت أديب: "أنت مالك يقعدوا مع بعض ولا ميقعدوش.. هو سيادتك وزير العدل؟" فرد عليها عمرو أديب: "أنت عايزاهم يقعدوا مع بعض ليه.. وبعدين انتى ناسية ان أحمد عز عليه حكم ولابس البدلة الزرقا؟" فقالت له: "كرامة الراجل مش ببدلته يأستاذ عمرو".

عبلة اختتم مداخلتها قائلة: "كفاية كلامك السخيف ده"ن لكن رد عليها أديب بتعصب قائلا: "احترمى نفسك.. ده مش تليفزيون جوزك".