توفيق عكاشة: اللي هيروح المصيف تاني هيتعلق من رجليه!

انتقد الإعلامي توفيق عكاشة  مالك قناة الفراعين كل من قاطع الانتخابات الرئاسية، قائلا: "تقاطع مين يا "جاهل" يا "غبي" بحجة إعادة إنتاج النظام القديم المفروض تضرب نفسك "60جزمة" على عدم انتخابك الفريق شفيق".

عكاشة أضاف قائلاً : " يارب محمد مرسى رئيس الجمهورية يبقى أطول فترة ممكنة رئيسا للبلاد، بادعى ربنا كل يوم الفجر أن يظل مرسي في مكانه عشان الناس تستجم في المصايف أثناء الانتخابات، وأحب أقولهم اللي هيروح المصيف تانى هيتعلق من رجليه هو ومراته وأولاده، ولو فاز الفريق أحمد شفيق بمنصب رئيس الجمهورية كان سيصبح رئيسا لفترة واحدة فقط لمدة 4سنين وهيكون خايف ومرعوب من الشعب".

وهاجم الثوار قائلا: "لو فيكم راجل ينزل ميدان التحرير بعد أن احتل الإخوان المسلمين الميدان لأنهم خدوا على "قفاهم" وللأسف البلد كلها أخدت على "قفاها" معاهم"، على حد قوله.