أحمد فتحي «يمرمط» كريم حسن شحاتة.. ويؤكد: لولا أبوك لقولت كلام تاني

بسبب تأكيده على حدوث مشادة بينه وبين محمد أبو تريكة، شن أحمد فتحي، نجم النادي الأهلي والمنتخب المصري، هجوماً حاداً على الإعلامي كريم حسن شحاتة، على الهواء مباشرةً.

الجوكر قال: «أنا عايز أعرف أنت جبت الخبر ده منين»،  فرد كريم: «مواقع كتير وخداها من مراسل»، مما أثار غضب فتحي الذي رد عليه قائلاً:«لو سمحت قولي اسمه أيه»، فقال له: «إسلام صادق هو اللي جابه من مصادره الخاصة».

فتحي تابع خلال مداخلته مع كريم في برنامجه «كورة كلام يوم»: «هو أيه مصادرك الخاصة دي.. أنا هجيبلك أبو تريكة يرد عليك وبلاش فبركة وكلام مش صحيح على الهواء وتعملوا مشاكل للناس، المفروض أنتوا ناس محترمة».

وعقب نفي تريكة للواقعة، قال فتحي لشحاتة: «أنت عايز تعمل مننا مادة إعلامية، أنا أتكلم وبعدين أبو تريكة يتكلم وتعملوا حوار على حسابنا.. أنا مبتكلمش في برامج، لكن لما الموضوع يوصل لكده لازم أرد».

وأضاف مُنفعلاً: «لو أنت في برنامج محترم المفروض تتأكد من الخبر قبل إذاعته على الهواء، لولا إني أحب والدك لقولت كلام تاني على الهواء كان هيزعلك»، فرد كريم: «أنا متقبل اللي قولته لأني بحبك».