جمال مبارك يصيح في العادلي وهشام طلعت: إنتوا جايين تشمتوا في أبويا

عندما انتقل الرئيس المخلوع حسني مبارك إلى سجن طرة، كان يوماً مختلفاً تماما على نزلاء السجن، يقول واحدا من هؤلاء: «مبارك أول ما دخل السجن كان يوم غريب على كل المساجين، وقتها كنت باشتغل في الكافيتريا ولقيت كل الدنيا اتقلبت مرة واحدة، وقفلوا على كل الناس في العنابر وطلبوا مننا نقفل على نفسنا الكافيتريا من جوه، لأن فيه مرور، وبعدها دخلت عربية إسعاف حواليها عربيات كتير وحراسات أكتر وفرق حراسات خاصة و777 وتأمين جوى، وقالوا بعدها إن الرئيس السابق هينزل من الإسعاف، لكنه بعد دقايق نزل من الهليكوبتر».

وأضاف: «وإحنا كنا بنتفرج من فتحات في الجدران خاصة بالتهوية، وشفته كان مش راضي ينزل من الطيارة، وكان بيزعق لعلاء ابنه، لكن جمال فضل يتكلم معاه شوية ونزل بعدها على النقالة ودخل على طول على المستشفى، وحاول بعدها زيارته العادلي وهشام طلعت مصطفى، بعد الأمور ما استقرت، لكنهم فشلوا وعرفنا بعدها إن جمال تشاجر معاهم وقال لهم: إنتوا جايين تشمتوا في أبويا؟، وخرجهم من المستشفى».