ريم ماجد: الثورجيه ريقهم نشف

نعت الإعلامية المصرية ريم ماجد ضحايا قطار أسيوط في برنامجها «بلدنا بالمصري» على فضائية «أون تي» في رسالة مؤثرة للغاية، معتبرة أن أعذار المسؤولين أقبح من الذنب.

ريم ماجد بدأت حديثها بقولها: «كل الدم اللي دفعناه في السنتين اللي فاتوا كوم، والدم اللي دفعناه على شريط القطر كوم تاني، أبهات وأمهات مش هيشتروا لبس العيد تاني، ولا لبس مدرسة، ولا هيفرحوا بدرجات حلوة في الشهادة».

حديث الإعلامية المصرية جاء في الذكرى الأولى لضحايا محمد محمود وقالت: «اللي دفعوا دمهم في محمد محمود دول دفعوه عشان نبطل نموت من الأكل والشرب وفي العبارات وحوادث الطرق وعلى شريط القطر وتحت التعذيب ومن القهر ومن الحسرة، ماتوا عشان نخلص من التركة القديمة».

مسؤولية هذه الحوادث دينا في رقبة المسؤولين، هكذا اعتبرته ريم ماجد التي قالت: «يا أهل الله ياللي في السلطة وفي الحكم، يا أهل الله يا أولي الأمر، ياللي وصفتوا نفسكم إنكم بتوع الثورة وحطتوها وردة في عروة الجاكتة، حجتكم مش مقبولة وعذركم مش مقبول، عذركم أقبح بكتير من ذنب اللي فاتلكم التركة القديمة ورحل بالدم».