عقد محمد أبوتريكة الجديد يفتح عليه النار

في الوقت الذي أشادت فيه الصحف العربية بموقف محمد أبو تريكة تجاه النادي الأهلي، بعدما جدد على بياض وطالب تخفيض 50% من قيمة تعاقده، فتح بعض النقاد الرياضيين النار على اللاعب.

الناقد الرياضي محمد صيام، قال: «لو أبو تريكة مضى على بياض فيبقى متنازلش عن نصف قيمة عقده، ولو كان أتنازل إذاً أكيد هو أتفاوض على المبلغ اللي هياخده واللي ممكن كان يكون كبير، ولكن تم تخفيضه للنصف».

صيام أضاف خلال تصريحاته لقناة «مودرن»: «أبو تريكة أحرج الـ6 لاعبين اللي لسه هيجددوا وكان مفروض يتشاور معهم، واللي عمله ده عيب هو مش محتاج نجومية وشهرة عشان يعمل كده ويحرج زملائه».

وتابع: «ودي مش أول مرة فسبق وهو يُجدد عقده للترسانة صرح بتصريح خطير، حيث قال أنا بأجدد عشان حسن فريد، رئيس النادي.. مش عشان الترسانة».

وفي ختام تصريحاته، تساءل: «هل الأهلي في حاجة إنه يتاجر بلاعب أو اللاعب في حاجة إنه يتاجر باسم النادي؟».

سيد عبد الحفيظ، مدير الكرة بالأهلي، كان قد أكد للموقع الرسمي لناديه أن تريكة وقع على بياض فور جلوسه معه، وطالب التنازل عن 50% من قيمة تجديد عقده لمدة موسمين، كما أوضح أنه رفض الإعارة لبني ياس الإماراتي، حباً في القلعة الحمراء.