أسماء محفوظ: مبروك للاولتراس.. وأين دليل من يقول أنهم مظلومين

أعربت الناشطة السياسية، أسماء محفوظ، عن رضاها التام على الحكم الذي صدر بالإعدام في حق المتهمين في قضية "مذبحة بورسعيد" التي راح ضحيتها 72 شاب من شباب "أولتراس أهلاوي" مطلع عام 2012.

أسماء وجهت التهنئة لأهالي الضحايا عبر حسابها الشخصي بموقع "تويتر" قائلة: "مبروك للاولتراس وأهالي الشهداء هما البوصلة للحكم صح ولا غلط وهما اللي يحددو ده تارهم ولا لأ وعقبال الباقي".

الناشطة المصرية طالبت بضرورة تدخل الدولة لإيقاف أعمال العنف التي اندلعت بعد النطق بالحكم في مدينة بورسعيد "المهم دلوقتي انه كفاية دم بقى ... اللي بيحصل في بورسعيد ده لازم يقف ... الدم المصري واحد ومش كل يوم هنقعد نتفرج على الشعب وهو بيتقتل"، واستنكرت الاعتراض على الحكم القضائي قائلة "يعني هما معترضين على اعدام ٢١ واحد هيقتلو اضعافهم بدالهم؟؟؟؟؟؟".

أسماء أعربت عن اندهاشها لمن يقولون بأن من تم الحكم عليهم بالإعدام ما هم إلا "كبش فداء" وأنهم ليسوا الفاعل الحقيقي، "اللي بيقولو عن اللي اتحكم عليهم مظلومين، ايه دليلكم؟؟الاولتراس هم اولياء الدم وهم اللي عاشو القضية واشتغلو عليها وهما اللي عارفين القاتل مين".