مدحت شلبي: بطلوا تنطيط.. قرفتونا

شن الإعلامي المصري، مدحت شلبي، هجوماً عنيفاً على مجموعة أولتراس اهلاوى، بعدما قاموا بمحاصرة منزل وزير الداخلية الأسبق اللواء محمد إبراهيم كوسيلة للضغط قبل إصدار الحكم على ضباط الداخلية المتورطين في مجزرة بورسعيد، يوم السبت المقبل.

شلبي وجه كلامه للأولتراس في برنامجه «مساء الأنوار» قائلاً :«كل اللي بيعملوا الاولتراس لا بيودى ولا بيجيب، ولو فاكرين إن ليكم دور فى الحكم اللي هيصدر تبقوا غلطانين، وكل اللي بتعملوه أفلام ماحدش مصدقها غيركم».

وتابع: «بطلوا ادعاء البطولة، كل اللي بتعملوه مالوش اى مردود، غير إنكم بتقرفونا وبتقرفوا مصر كلها، تنطيطكم وقطع الطرق مالوش اى قيمة، لو فاكرين إن القاضي هيفرق معاه اللي بتعملوه تبقوا غلطانين».

وأضاف: «اهدوا شوية انتم مالكوش قيمة عند القاضي اللي هيصدر الأحكام، وماتعملوش فيها غدنفر».