نجل محمد مرسي: فضيحة ساويرس بجلاجل

نشر عمر محمد مرسي، نجل الرئيس محمد مرسي، على صفحته الشخصية على موقع التواصل الاجتماعي «فيس بوك»، أن النيابة العامة أجازت له التعيين بالشركة القابضة للمطارات، وأن إجراءات تعيينه سليمة.

نجل الرئيس سخر من وسائل الإعلام المصرية، بقوله: «الإعلام بتاعنا يقول بصوت واحد، وأنا عاملة نفسي نايمة، على الرغم من اختلاقهم لقضية رأي عام بخصوص عقد عملي المؤقت واستغراقهم في الكذب والافتراء»، على حد قوله.

وأضاف: «نجيب ساويرس سارق من قوت الغلابة ١٦ مليار جنيه، يقوم رجال إعلامه بالتكتم على فضيحته اللي بقت بجلاجل، وتلاقي تعيسة الحديدي بتاعت حملة جمال رئيس، تدافع عنه لا وتصفه بحامي مدنية الدولة المصرية، وتلاقي المنافق موظف الـ«on tv»  اللي نجيب مشربوا شاي بالياسمين لحد ما بقي بكرش ومن هم علي شاكلتهم يتكتمون عليه تعرف أن ديل الكلب عمره مبيتعدل أبدا»، على حد قوله.

واختتم قائلاً: «بجد شوية خرفان، ربنا ينتقم من سحرة فرعون اللي مضيعين البلد، وجزاؤهم آت في الدنيا وفي الآخرة.. لهم عذاب أليم بإذن الله».