محمود سعد: الدليل «أنا آسف يا ريس»

استشهد الإعلامي المصري، محمود سعد، بالأعداد الكبيرة لصفحة «أنا أسف ياريس» على «فيس بوك»، كمؤشر لزيادة كراهية الشعب المصري لجماعة الإخوان المسلمين ورفض سياسة حكمهم.

سعد قال في برنامجه «أخر النهار»: «صفحة أنا آسف يا ريس، طلعت بقت مليون واحد بعد ما كانت حاجة وأربعين ألف بسبب حكم الإخوان.. عشان تعرفوا مدى نجاح حكم الإخوان.. الصفحة دي بتقول إذا شاركت الشرطة في الثورة، فلماذا يحاكم مبارك؟».

الإعلامي المصري كان قد هاجم الرئيس المصري محمد مرسي بعد كلمته لقوات الأمن المركزي، الذي قال فيها إن الشرطة كانت في قلب العبور الثاني الذي حدث يوم 25 يناير 2011.

سعد تساءل: «أنت نسيت لما الشرطة قبضت عليك أيام الثورة؟ نسيت الشرطة كانت بتعمل إيه في الإخوان؟ جاي دلوقتي تقول إن الشرطة كانت في القلب والعين يوم 25 يناير، وإن كانت الصدفة أن الثورة قامت يوم 25 يناير؟ يا نهار أسود؟ إيه ده؟ ده يتقال عليه إيه بقى؟.. ده اللي يتقال عليه هو فيه كده؟ فيرد حد ويقولك فيه كده وفيه كده وفيه كده.. ده اسمه كسر للتاريخ.. ده الثورة منجحتش إلا لما كسرت الشرطة».