توفيق عكاشة: انتوا شوية بلاليص

استنكر الإعلامي المصري توفيق عكاشة، هجوم عصام العريان عضو جماعة الإخوان المسلمين على الإمام أحمد الطيب شيخ الأزهر في قضية تسمم طلاب الأزهر، وذلك خلال إحدى جلسات مجلس الشورى.

عكاشة سخر من العريان بقوله: «الدكتور عثام العرثيان قايم بدور كمال الشاذلي بمجلس الشورى وبيتكلم عن الشيخ الإمام، ما هو اللي بيتكلم في مصر دلوقتي العريان والبلبوص».

وأشار إلى أنه كان يتم تجهيز لافتات لإقالة شيخ الأزهر قبل وقوع حادثة التسمم، وذلك لرفضه مشروع الصكوك التي يدعوا أنها إسلامية، على حد قوله، وأضاف «إن تجرأ أحد على فضيلة الإمام الأكبر أحمد الطيب شيخ الجامع الأزهر، أو أن عقلة صباعه لمست هدوم وجبة الإمام وانتوا قاعدين يبقى انتوا تساووا صفر، وسيموت الإسلام في مصر وسيموت أهل السنة والجماعة في مصر».

عكاشة وصف مشاهدينه أيضاً بـ«البلاليص»، وذلك بقوله: « في ناس كتير من اللي قاعدة تشوفني المعلومات اللي بياخدوها زيها زي عدم وجود معلومات عندهم، بلاليص قاعدين وخلاص»، «أنا الحقيقة ما بحبش اكلم بلاليص أنا بكلم الناس اللي بيتفاعلوا ويخرجوا وما بيسبوناش في أي وقت، أنا كرهت نفسي بسبب البلاليص».