وجدي غنيم: ذنبنا في رقبتك يا حافظ القرآن ياملتحي

شن الداعية الإسلامي الدكتور وجدي غنيم، هجومًا شديدا على الرئيس محمد مرسي واتهمه بإعادة نظام أمن الدولة، واصفًا الأحداث الأخيرة من القبض على الإسلاميين بأنها في رقبة الملتحي حافظ القرآن.

غنيم قال في فيديو نشره على موقع «اليوتيوب»: «صدمت وأنا في عهد مرسي اللي عانى مثلنا من رجوع أمن الدولة، وإنهم بدأوا يستدعوا الإخوة كما كانوا يفعلون قبل الثورة، وما يحدث في رقبة الرئيس مرسي».

الداعية الإسلامي أضاف: «اللي جاي أسوأ وأصعب، وعودة أمن الدولة في عهد مرسي، يبقى إحنا عايزين وقفة تانية خالص لمنع عودتهم، المفروض يكون فيه قانون علشان نعرف وضع الأمن الوطني في الدولة».

غنيم تابع: «أمن الدولة سايب الوطن خربان ومش هيجي غير على الإخوة، المفروض يطلع قانون من مجلس الشورى يقولنا إيه علاقة الأمن الوطني بالناس؟ بتستدعيني ليه؟ إيه حدودك معايا؟ ورب الكعبة إن لم نقص ذيول أمن الدولة، هيقصونا، وحذاري من رجوع هؤلاء المجرمين، وأنا بقول للرئيس مرسي أهو الموضوع في رقبتك».