سلمى صباحي تبرر تعاملها مع شركة نصب

بعد الاتهامات العديدة التي وجهت إليها، تتهمها فيه بالحصول على مبالغ من مواطنين مقابل حصولهم على فوائد شهرية، وقيامها بالنصب عليهم، قررت الإعلامية المصرية سلمى صباحي بالخروج عن صمتها والدفاع عن نفسها.

سلمى كتبت على حسابها الخاص على موقع الفيس بوك: «أنا سلمى صباحي مصريه زي آلاف المصريين العاديين اللي حلموا بمرتب ثابت بدل ما هم مش لاقيين شغل، وحلموا ببيت ملك بدل الإيجار اللي قاطم ضهرهم، وحلموا بمدرسه كويسه لعيالهم يتعلموا فيها بجد، وحلموا بعربيه بدل بهدلة المواصلات، وحلموا بعمره ولا حج، وحلموا حتى يشتروا معاش عشان يضمنوا دخل لولادهم بعد ما يسيبوهم، يعني ببساطه حلموا بحياة أفضل لكن للأسف أتضحك علينا وفلوسنا راحت في شركة «جلوبال أد مارت»».

وأضافت أنها قامت بعمل محضر لإثبات حقها وحق زوجها وأقاربها، مشيرة أنها تنتظر أن يعيد إليها القضاء حقها، وقالت: « للأسف تم استغلال اسمي وفوجئت النهارده على بعض المواقع الإخبارية إن فيه بلاغ متقدم ضدي من واحد بيقول إني أخدت منه فلوس والحقيقة إني معرفش الرجل ده ولا عمري شفته وهاتخذ كل الإجراءات القانونية ضده وضد بلاغه الكيدي الكاذب لرد اعتباري..أي كلام تاني غير الكلام ده هو كذب وافترا خصوصا إن في ناس بتحب تصطاد في الميه العكره ونفسها تشوه سمعتي بأي شكل , وربنا هو العالم وهو سندي وهو المنتقم».