خيري رمضان لوزير الداخلية: هذا الرجل محترم أرجو مراجعة ملفه

أبدى الإعلامي المصري خيري رمضان استيائه الشديد من حبس حاتم خاطر، رئيس الاتحاد العام للجمعيات والمؤسسات الأهلية، 15 يوما بتهمة إثارة الشغب، واتهامه بالانضمام لجماعة الإخوان المسلمين وتمويل مشروع النهضة.

خيري قال: «الرجل ده عضو مجلس إدارة بنك الطعام، ومؤسس بنك الكساء، ولسة كان محافظ الجيزة مكرمه لأنه أخد ناس ونزلوا ينظفوا الشوارع في الجيزة، الراجل ده كان بيقابل الحكومة دي واحد واحد، وهو رجل صوفي يدخل صومعته يعبد الله ويطلع يشوف شغله، كما أنه طلع بيان قبل 30 يونيو يشيد فيه بالجيش، وطلع بيان يقول فيه إن جماعة الإخوان المسلمين غير قانونية، يبقى ازاي ده قيادي إخواني؟».

الإعلامي المصري ناشد اللواء محمد إبراهيم، وزير الداخلية، بمراجعة الملف الخاص بحاتم خاطر، حيث قال في برنامجه «ممكن» على قناة الـ «CBC»-: «أنا شريك هذا الرجل في محبة قواتنا المسلحة، وفي الوقوف مع الشعب المصري، وخوض المعارك، يبقى عايزني أؤمن بثورتك أزاي؟،لو عندك ظابط غلطان يتحاسب.. اللواء محمد إبراهيم المحترم أنا أناشدك.. حاتم خاطر نقطة في مفترق طرق وافتكر كلامي.. هذا الشخص المحترم هيخسرك ويخسرنا كتير».