شعبان عبدالرحيم يغني لرفع «حظر التجول» ويهاجم الببلاوي والبرادعي
يجتمع الثنائى الشاعر إسلام خليل والمطرب الشعبى شعبان عبد الرحيم، في أغنية جديدة تحمل عنوان "هتشيل الحظر شيله كده كده مفيش أمان"، يوجه من خلالها رسائل للمسئولين بالدولة قبل تزامنا مع قرار الحكومة المصرية رفع حظر التجول.
شعبولا، علق على قرار رفع الحظر قائلا: "إحنا بنحب بلدنا بجد وبنحاول نرصد سلبيات الواقع على طريقتنا علشان ننبه عنها المسئولين وبلدنا تستقر وتبقى أحسن بلد في الدنيا".
كلمات الأغنية الجديدة تقول "هتشيل الحظر شيله كده كده مفيش آمان.. شعبنا بيرضى بقليله وكتير بينام جعان، الشعب بيشوف بلاوى في الشارع كل يوم.. يا حكومة الببلاوى يا حلوة صح النوم، في عالم نازلة جزر في الشعب هتقضي عليه.. طب قبل ما تنهى الحظر عرفني هتعمل إيه، الرقة والطيابة مبقتش تفيد خلاص قدام شلة وعصابة ماشية تهدد في الناس، علطول بصلى وادعى للستر لأي حد.. ربنا يهدى البرادعي ويحب مصر بجد، أرجوك يا عم حازم خليك حازم بجد.. في ناس عايزين يعيشوا وناس محتاجة شد، إذا كان والحظر ماشى الشارع كله دم.. آمال لو شلته خالص هتعمل إيه يا عم، في ناس نيتها خبيثة بالشعب مش حاسين.. عرف حجازى وعيسى وزياد بهاء الدين، وحياة مريم ومريم ومحمد الغلبان.. المولى هيحاسبكم وهيشهد الزمان، شكرا للجيش المصرى عمل أكتر من اللى عليه.. عايزين بقى الحكومة نشوفها هتعمل إيه".