عمرو الليثي يمنع مرتضى منصور من إهانة باسم يوسف.. فيديو

رفض الإعلامي المصري عمرو الليثي محاولة المستشار مرتضى منصور إهانة الإعلامي الساخر باسم يوسف، وذلك خلال استضافته في برنامجه «بوضوح» على قناة «الحياة2».

مرتضى قال: «أنا عايز أرد على الأخ باسم لما طلع معاك في الحلقة بتاعتك»، فقال الليثي: «الإعلامي الكبير الدكتور باسم يوسف، له تقديره واحترامه»، فرد مرتضى: «ده بالنسبة لك أنت.. ده أراجوز»، فقال له الليثي: «هو ما جابش سيرة حضرتك خلال الحلقة»، فقال مرتضى: «لأ هو قال أمي قالت عليه يا حقير، وأنا عايز أقوله، أنت عايز تجيب لأمك الكلام عايشة وميتة؟»، فقال الليثي: «لأ نحن لن نتحدث عن أموات».

وحاول مرتضى رفع صورة مسيئة لباسم، إلا أن الليثي منعه من ذلك وقال له: «دي خصوصيات يا أستاذ مرتضى، ده بروتوكول»، فقال مرتضى: «يعني أنت مش عايز تجيب الكاميرا عليها، طب أنا هبقى أوريها للناس بعد كده».

ووجه مرتضى رسالة للإعلامي علي جابر، مدير قنوات «أم بي سي»، قائلا: «بقول لعلي جابر ولكل سعودي محترم، شعب مصر بيحبكم وبتحبوه، مش ممكن قناة «أم بي سي مصر» تطلع من مصر، وتبقى زي قناة «الجزيرة مباشر مصر» تهين شعب مصر وجيش مصر».