توفيق عكاشة: عملي مثل عمل الأنبياء.. ومش لاقي ادفع مصاريف مدرسة ابني

قال الإعلامي المصري توفيق عكاشة إنه لا يتقاضى أجرا عن عمله، بل إنه ينفق على عمله، مرجعا ذلك إلى أنه يعتبر عمله جزء من مهنة الرسل والأنبياء.

عكاشة قال –في برنامجه «مصر اليوم» على قناة «الفراعين»-: «يا جماعة أنا بشتغل من غير فلوس والله، أنا ما بقبضش فلوس من حد، ده أنا بدفع، وملزوم مني كل شهر إن يبقى في فلوس للزملاء، فأنا متبرع بمجهودي وبمالي وبصحتي وبكل شيء، لأني باعتبر إن هذا العمل جزء من مهنة الرسل والأنبياء، وهي الدعوة بالحق، ووفقا لصحيح الدين والأديان».

ومن ناحية أخرى انتقد الذين يعتبرون أن انتخاب المشير عبد الفتاح السيسي هو الحل لكل المشاكل، وقال منفعلا: «الكل ريح واتهيأ له إن العملية واقفة على انتخاب السيسي وخلاص، والله لهسيب البلد، لإني عملت كل اللي أقدر عليه علشان خاطركم، ده أنا كان عندي عربيتين بعت عربية، ده أنا قعدت مدفعش مصاريف ابني في المدرسة لغاية من شهرين فاتوا على ما قدرت ادفعها».