عمرو أديب: لو باسم يوسف ماجبش سيرتي في حلقة بزعل

أكد الإعلامي المصري عمرو أديب إنه لا يغضب من الإعلامي الساخر باسم يوسف عندما يسخر منه في برنامجه «البرنامج»، بل على العكس، إنه يحزن لو لم يذكره في إحدى الحلقات.

أديب قال –في برنامجه «القاهرة اليوم» على قناة «اليوم»-: «ناس كتير تقولي انت مبتزعلش من اللي بيعمله باسم فأرد عليهم وأقول لهم لأ، ولو في حلقة باسم مش حاططلي حاجة بزعل، هو ده الإعلام، هو يقول زي ماهو عايز، وانت تقول زي ما انت عايز، واللي بيقولولي رد عليه، ولا أرد ولا أي حاجة، ده برنامج ساخر والرجل بيقول رأيه، وأنا بقول رأيي، ولو عايز أقول حاجة عنه هقول».

ومن ناحية أخرى أبدى استيائه من تركيز الصحافة الاجنبية على إيقاف «البرنامج»، ولم يشيروا بعد ذلك إلى أنه يعرض الآن بكامل الحرية، حيث قال: «لما البرنامج اتقفل قعدت الجرايد الأجنبية كلها تكتب حكم العسكر والقبضة الحديدية، ولما باسم رجع واتكلم، محدش عبرنا، ولما التلات حلقات الأولانية بتاعة باسم كلها تريقة على كل الناس الكبار في الدولة محدش قال البلد دي فيها ديمقراطية».