سلمى صباحي: هو عشان أنا بنت حمدين ما اتفرجش على «The Voice»؟!

أبدت الإعلامية المصرية سلمى صباحي استيائها من عدم معاملة الناس لها كإنسانة طبيعية، وذلك لكونها ابنة حمدين صباحي، المرشح الرئاسي المحتمل.

سلمى كتبت -على حسابها الخاص على موقع «الفيس بوك»-: «هو انا عشان بنت حمدين صباحي المفروض أنسى إن أنا مواطنة مصرية ومن حقي أقول رأيي في اللي مبيعجبنيش عادي!!.. ولا عشان بنت حمدين صباحي المفروض أنسى إن انا إنسانة طبيعية وبحب الغنا زي كتير من المصريين وبتفرج على ذافويس؟!».

وأضافت: «اكتب قانون متفصل يقولولي انتي مالك بالسياسه ولا عشان القانون ضد ابوكي!.. اكتب الله على صوت مروه ناجي يقولولي انتي بتتفرجي على ذا فويس يا بنت حمدين!!!.. ايه ياجدعان!!.. اشمعنى انتو بتكتبو اللي انتو عايزينه وبتقولو اللي انتو عايزينه وبتتفرجو ع اللي انتو عايزينه! ماكلنا زي بعض وكلنا بني ادم وولاد تسعه!!..شويه عدل والنبي مش معقول التلاكيك والنفسيات والعقد دي في التعامل!».