نوارة نجم: أنا مش عايزة حاجة من مصر.. أنا عايزاها تسيبني في حالي
أبدت الكاتبة الصحفية والناشطة المصرية نوارة نجم استيائها من كلمة المشير عبد الفتاح السيسي، وزير الدفاع، والتي طالب فيها كل مصري بأن يسأل نفسه ماذا قدم لمصر قبل أن يسأل ماذا أعطته مصر.
نوارة كتبت -على حسابها الخاص على موقع «الفيس بوك»-: «اللي طافح الدم على عياله من صباحة ربنا لحد العشا ما قدمش حاجة لمصر؟.. واللي متغرب وبيدفع ضرايب ويكفل اسرة مصرية من اربع او خمس اشخاص ما قدمش حاجة لمصر؟.. واللي جتتهم بقت مصفى من الخرطوش وعينيهم راحت دول ما قدموش حاجة لمصر؟ اه نسيت دول مؤامرة».
وأضافت: «واللي مرمي في السجن محروم من عياله وأسرته ما قدمش حاجة لمصر؟ اه دول مخربين وكده.. البلد كلها طلعت سلبية لا اجابة لها ولا وجود لها في الوجود لازم تبقى بدبورة وبتقبض ملايين عشان تبقى قدمت حاجة لمصر».
واختتمت كلامها بجملة للفنان محمد سعد من فيلم «تتح»، حيث قالت: «وهنا تحضرني مقولة محمد سعد في فيلم تتح: انا مش عايز حاجة من مصر انا عايز اعرف مصر هي اللي عايزة مني ايه؟.. والله العظيم والله العظيم والله العظيم ما عايزة حاجة من مصر.. عايزاها تسيبني في حالي بس وربنا وربنا وربنا».