عمرو أديب يأكل «رغيف عيش» على الهواء: حلو وبيتفتح.. فيديو

أحضر الإعلامي المصري عمرو أديب «رغيف عيش» على الهواء، في برنامجه «القاهرة اليوم» على قناة «اليوم»، وظل يأكل منه بتلذذ، مؤكدا على أنه بخمسة قروش فقط.

أديب قال: «عندنا وزير تموين جديد كان في بورسعيد النهاردة فجايب معاه عيش، بيقولي إن الرغيف ده بشلن»، ثم بدأ يأكله، وقال: «من أمتع ما يمكن، حلو وبيتفتح، وبيقولي إن في عرض إن لو الرغف معجبكش خد شلن قدامه، الرغيف في أي لحظة تفتحه يتفتح لغاية جوه ومبيتقطعش، وبيتبلع حلو، وطبعا في ناس بصالي في اللقمة».

وأضاف: «لو مصر كملت الرغيف أبو شلن كده الناس هتبقى سعيدة جدا، الرجل ده عامل حاجة جديدة اسمها منظومة الرغيف، عامل شيء جديد عايز يغير بيه شكل الرغيف في مصر».