منى الشاذلي: مبظهرش على التليفزيون علشان خايفة افتكر نفسي حاجة

قالت الإعلامية المصرية منى الشاذلي إنها منذ سنين تضع ضوابط وقيود على ظهورها في التليفزيون كضيفة، مشيرة إلى أن عملها اليومي وأسرتها يأخذون كل وقتها.

منى قالت: «لما يبقى عندك شغل يومي وكمان 3 أطفال صغيرين يبقى أي ثانية فراغ عندك توزعها إما لبيتك وأولادك يا إما للشغل، معنديش رفاهية إني أقعد أجاوب على حوار صحفي، دي رفاهية أنا مقدرش عليها، فلو عندي وقت يبقى أقعد مع البنات نعمل واجب، أطبخ، أربي».

وأضافت: «في حاجة تانية إني عندي نظرية إن شغلتنا دي مش شغلانة نجومية، فلما حد يجي يقولي تعالي كضيفة أو في ندوة بحس إن ده بيخدش من شغلتنا، فشغلتنا المفروض ميبقاش فيها شو، فطول الوقت ببقى خايفة  إني أفتكر نفسي حاجة، وربنا يتوب علينا من الشغلانة دي».

يذكر أن منى الشاذلي ستبدأ تقديم برنامجها الجديد «معكم» على قناة «CBC TWO»، يوم الأربعاء القادم، حيث سيعرض يومي الأربعاء والخميس من كل أسبوع في الساعة العاشرة والنصف مساءا.