إبراهيم عبدالعاطي: الاختراع بيجري ورا المريض

قال اللواء إبراهيم عبد العاطي، مخترع جهاز علاج فيروس «سي» و«الإيدز»، إن الجهاز به علوم متقدمة جدا، مشيرا إلى أن المواد المستخدمة في تصنيع هذا الجهاز يكاد يكون سرها مثل سر بناء الهرم، على حد وصفه.

وعن كيفية عمل الجهاز قال –خلال استضافته برنامج «يحدث في مصر» على قناة «MBC مصر»-: «جهاز السي فاست والآي فاست بمجرد ما بيلاقي إشارة للفيروس بيتحرك معاها، فلو مريض ماسك منديل كلينكس وهو يحمل الفيروس، وأنا مسكت المنديل مشيته قدام الجهاز يجري ورايا، فأنا لو مسكت المنديل رميته في القمامة، وحطيت صوبعي اللي مسكت بيه المنديل الكلينكس قدام الجهاز يجري ورايا، فلازم أطهر أيدي من الفيروس تماما».

وأضاف : «الوقت اللي بيقعد فيه مريض فيروس سي على الجهاز ضعف الوقت اللي بيقعده مريض فيروس الإيدز، المريض بتوصل نسبة البروتين في جسمه لأعلى من المعدلات الطبيعية علشان كدة بعد الجلسة بخليه يجري في التراك علشان يهضم الأمينو أسيد اللي موجود في الدم، فأنا بفكك المرض لأحماض أمينية، أنا بقلبله المرض بدل ما ياكل في كبده بخلي المريض هو اللي يتغذى على الفيروس».