تامر أمين: هيفاء وهبي جابت من الآخر وفتحت على البحري

شن الإعلامي المصري تامر أمين هجوما حادا على فيلم «حلاوة روح» بطولة الفنانة هيفاء وهبي، مشيرا إلى أنه مليء بالعري والإيحاءات الجنسية، وأن الهدف منه إثارة الغرائز.

تامر قال –في برنامجه «من الآخر» على قناة «روتانا مصرية»-: «السبكي عامل فيلم بتاع هيفاء وهبي ده فيلم صعب أوي، التنويه لوحده بتاع الفيلم مصيبة، أنا ما شوفتش الفيلم بس شوفت التنويه، الفيلم فاتح على البحري، والواضح إن هيفاء وهبي عايزة تختم مسيرتها فمتألقة بقى وجايبة من الآخر، إثارة وعري ومصطلحات قبيحة جدا وإيحاءات منيلة بستين نيلة».

وأضاف: «المخرج مركز الكادرات، في فرق بين أنك تقول اللي انت عايزه، وبين انك تعمل نوع من أنواع الإثارة للناس وتحريك غرائزهم وشهواتهم الجنسية، الكادرات كلها كانت داخلة في البنطلون، هو طبعا مفيش بنطلونات كلها فساتين وحاجات أقل من الفساتين، ومكتوب على الفيلم للكبار فقط وبطل الفيلم طفل صغير، يعني بجد المنطق ينتحر، حد يديني عقله علشان أنا عقلي راح مشوار ولسة مرجعش».