مرتضى منصور ينسحب من السباق الرئاسي بسبب «منام»

قرر المستشار مرتضى منصور، رئيس نادي الزمالك، انسحابه من خوض سباق انتخابات الرئاسة المقبل، كما أبدى تأييده للمشير عبدالفتاح السيسي، المرشح الرئاسي المحتمل؛ لأن «اللي احنا فيه مش وقت هزار».

وأعلن منصور، خلال مؤتمر صحفي السبت، قراره بالانسحاب ومرجعًا قراره إلى أنه رأى منامًا بعد صلاة الفجر، راويًا إياه: «بقالي كتير ما اتشعبتش في أتوبيسات كنت أطلع أبونيه المترو، كل ده شوفته وجربته، عشان كده طالع من الشعب.. حلمت إني راكب أتوبيس وداني لمنطقة فم الخليج، وفجأة لاقيت اتنين جيش جنبي واحد عميد والتاني عقيد، قالوا لي إحنا رايحين مصر القديمة مش مصر الجديدة.. حسيت إن الاتنين بيمثلوا المشير السيسي».

وتابع رئيس «نادي الزمالك»: «أقول للمشير السيسي أنا أؤيدك كمرتضى، لكن البعض في حملتك ليس على المستوى المطلوب، البعض في حملتك النفاق ظاهر فيهم».