أحمد موسى يفتح النار على حمدي قنديل: كان يسبّح بحمد القذافي

شن الإعلامي المصري أحمد موسى هجوما حادا على الإعلامي حمدي قنديل، بعد أن وصفه الأخير بأنه أحد وجوه نظام مبارك، وله علاقات وثيقة بأمن الدولة.

موسى قال إن قنديل عندما كان يقدم برنامج على «التليفزيون المصري» كان بالتأكيد يتصل بالمسئولين في الدولة إذا حدثت معه مشكلة، مؤكدا على أنه له علاقات بجميع أجهزة الدولة، وقال: «الأستاذ حمدي عنده كابوس إنه في يوم أيد محمد مرسي، هو من اللحظة دي سلم البلد، وفي 30 يونيو ماكنش موجود في مصر، هرب وأقام في الخارج، حيث تنقل بين دبي إلى ليبيا، كان يسبّح بحمد القذافي».

وأضاف –في برنامجه «على مسئوليتي» على قناة «صدى البلد»-: «كان يتقاضى 60 ألف دولار شهريا، ياريت يقولنا كان بياخدهم ليه بدل ما يتهم الناس، نحن نعمل للدولة المصرية لا نعمل لأحد آخر، ما العيب إني اشتغل لبلدي ولأجهزة بلدي؟!، المهم إنك لا تتعامل مع دول أجنبية ولا تتلقى أموالا من الخارج، هذا هو الفارق بيننا وبينك، ورفضنا العمل في قنوات خارج مصر لنهاجمها من الخارج».

وتابع محذرا: «أنا مش هتكلم عنك تاني، وإن عدتم عدنا، واللي عندي مش هقوله، مش عايز أقولك أصحابك الليبيين قالوا إيه، إحنا الحمد لله محدش معلم علينا، وهنستمر على موقفنا، حضرتك مش عارف تشتغل في حتة ده مش ذنبي والله، ما انت كنت شغال في قناة قبل كده ومكنش عندك نسبة مشاهدين، اللي كانوا مشغلينك قالولي، ومصداقيتك خلاص راحت».