نوارة نجم: وما الحياة إلا بامبرز كبير

استنكرت الكاتبة الصحفية والناشطة السياسية نوارة نجم واقعة اعتداء مشاركون في مسيرة رفض «قانون التظاهر»على الناشط السياسي، حسن شاهين، أحد مؤسسي حملة تمرد.

نوارة كتبت –على حسابها الخاص على موقع «الفيس بوك»-: «اللي ضربوا حسن شاهين بيزعلوا ليه لما الداخلية بتضربهم؟.. والداخلية محتاجة قانون تظاهر ليه؟ ما الناس اللي بتضرب بعضها في المظاهرات كفيلة تخلي ماحدش ينزل مظاهرات تاني».

وأبدت تعجبها من مقارنة الإخوان بين شاهين وأحمد المغير، الناشط الإخواني، حيث قالت: «إيه المقارنة ما بين المغير وحسن شاهين؟ المغير كان رايح يضرب الناس وحسن شاهين نازل يتظاهر بس الاخوان لازم يظيطو.. باشكر اللي ضربوا حسن شاهين عشان وفروا على الداخلية غاز وخرطوش وأدوا فرصة للاخوان يظيطوا».

وأضافت: «والنكتة إن المظاهرة ضد قانون التظاهر وبتقمع المتظاهرين وأوساخ تانيين بيقارنوه بالمغير اللي كان رايح يضرب متظاهرين فانضرب.. وما الحياة إلا بامبرز كبير... معبي»، مشيرة إلى أنها شبه متأكدة أن من ضرب شاهين يعملون مع الأمن.