عمرو أديب: المصريين بيعرفوا يبوظوا أي رئيس

أبدى الإعلامي المصري عمرو أديب استيائه الشديد من قيام حفل كورال وزارة «التربية والتعليم» بتغيير كلمات أغنية «عظيمة يا مصر»، ووضع اسم المشير عبد الفتاح السيسي، المرشح الرئاسي، فيها.

أديب قال: «إذا كان السيسي قبل ما يبقى رئيسي وبنغير له في الأغاني، بعد ما يبقى رئيسي هنغير له في إيه؟!، الأبلة بتصقف للواد، أيوة يا أبلة علمي الواد إنه يغني للسيسي من بدري، علموا أولادكم أن يغنوا للسيسي، يا جماعة ما ينفعش، المصريين عندهم حتة لطيفة كده أنهم بيعرفوا يبوظوا أي رئيس، الزن على الودان، وأغنية في أغنية، ومسلسل، وحاجة في الإذاعة، وقصايد شعر، وانتهينا على كده ، وعوضنا على الله في الرجل».

وأضاف –في برنامجه «القاهرة اليوم» على قناة «اليوم»-: ليه يا جماعة أنتوا عايزين منه إيه؟، الغرض من اللافتة دي إيه؟، ودول طبعا قعدوا عملوا بروفات طويلة علشان الواد يقول «السيسي المحبة بشير السلام»، قبل كده كانت معمولة للسادات بس كان رئيس، وغنى وديع الصافي «عظيمة يا مصر سادات المحبة، بس ده لسة ما بقاش رئيس، طيب لو حمدين بقى رئيسي، فنغير الأغنية ونقول «صباحي المحبة بشير السلام».