أحمد موسى يجمع شوبير ومرتضى.. فيديو

أثناء تواجده المستشار مرتضى منصور أمام استوديو برنامج «على مسئوليتي» استعداد لتصوير حلقته أمس مع الإعلامي أحمد موسى، التقى بالإعلامي الرياضي أحمد شوبير بمحض الصدفة.

موسى استغل هذه الصدفة ليجري أول لقاء إعلامي يجمعهما سويا بعد الصلح بينهما، وقد غلب على اللقاء أجواء المحبة والفكاهة بينهما، حيث قال مرتضى مازحا: «بقى بيطلعلي في كل حتة دلوقتي، لسة كنت بقوله في صلح اه بس مش قوي كده».

شوبير قال: «في ناس كانت حابة استمرار الخلافات بيننا وأن الدنيا تولع وتشعلل، والقصة كلها هو العند، لكن لو تبص على خلاف، أصلا مفيش خلاف، ومكانش في حاجة شخصية بيننا».

وعن كواليس الصلح بينهما قال مرتضى: «المشير عبد الفتاح السيسي قعد ساعة ونص كل ما يقول حاجة عن المحبة والتوافق يقولي ولا إيه رأيك يا أستاذ مرتضى، وكل ما يقول كده الناس تضحك لأنهم عارفين إن «الكلام ليكي يا جارة»، وحسيت إنه أخ ورجل محترم عايز أن كل المصريين يبقوا إيد واحدة، ومحصلش اعتذارات، هو بس سلموا على بعض بوسوا بعض نبدأ صفحة جديدة».