حسن شاهين: السيسي فاشل ميقدرش يحكم مصر

قام الناشط الشاب حسن شاهين، أحد مؤسسي حركة «تمرد»، وعضو حملة حمدين صباحي الرئاسية، بشنّ هجوم عنيف على المرشح المنافس المشير عبدالفتاح السيسي، وزير الدفاع السابق.

وكتب شاهين، عبر صفحته الشخصية على موقع التواصل الاجتماعي «فيسبوك»: «بما أنك فاشل.. يعنى فشلت لما كنت نائب لرئيس الوزراء، وفشلت كمان في مواجهة الإرهاب اللي أخدته بعد كده حجة عشان تقضى على الشباب، عشان مش قادر تسمع غير صوت نفسك.. عشان كده ‫«هنكمل_حلمنا» مع ‫‏حمدين صباحي، وعشان «تحيا_مصر»، إحنا اختارنا اللي معاه حلول لمشاكل مصر مش اللي واخدها فتونة وواخد الفاسدين معاه عشان هما دول اللي من غيرهم مش هيعرف يمشي»، على حد قوله.

وتابع: «في مجموعة كده من اللى بيأيدوا عبد الفتاح السيسي محسوبين على شخص بعينه ماسكين في كلام من نوعية حسن شاهين منافق وكان بيأيد السيسي، وأنه أيد صباحي عشان أخد منه فلوس.. بص يا عم الحاج عشان أنا أهم حاجة عندي «#تحيا_مصر» بس مش شعار على الفاضي نضحك بيه على الناس زى ما أنتوا بتعملوا والسياسة مش قرآن السياسة اجتهاد وانحيازات ومواقف بناء عن وقائع بتحصل كل يوم»، بحسب قوله.

وواصل: «قررت أني أقول للسيسي لا أول ما نزل ملعب السياسة عارف ليه عشان السيسي شخص فاشل ميقدرش يحكم مصر؛ لأن مصر عايزة حد عنده رؤية، وهو معندوش أي رؤية، وطالع يقولنا تقشفوا، وعشان عبدالفتاح السيسي عمل نفسه غطاء لكل الحرامية والفاسدين اللي سرقونا ونهبونا قبل كده وبيديهم الفرصة أنهم يرجعوا تاني يكملوا علينا، وعرفت أني على الطريق الصح لما المخلوع مبارك بيدعو لانتخاب السيسي».