حملة عبدالفتاح السيسي: مفيش حاجة اسمها برنامج

قال أحمد عادل، عضو المكتب السياسي لحملة المرشح الرئاسي المشير عبد الفتاح السيسي، «مفيش حاجة اسمها برنامج.. فيه دستور كلنا استفتينا عليه والحمد لله كان الإقرار به بنعم».

وأضاف في لقاء ببرنامج «خط أحمر»، على قناة «أونست»: الدستور بيقول مفيش حاجة اسمها برنامج، فيه حاجة اسمها ملامح برنامج، لأن البرنامج عشان تحطه لازم يكون فيه حكومة ورئيس حكومة.. المرحلة اللى فاتت كلها شفنا كذا مرشح وأسهل من البرامج مفيش، والقصة مش كلام لكنها فعل، المشير يختلف عن ناس كتير هو قال أنا هاعمل، وبرنامج التعليم والصحة البرنامج الكامل للدولة موجود له ملامح، للأسف معندناش آليات للتنفيذ بوجود حكومة الآن، والسيسي قال مش عاوز أضحك على المواطن.. إحنا بنحترم القانون.

وأشار إلى أن تواجد ممثلي حملة السيسي إعلاميًا قد يكون قليلاً، ولكن تواجدهم في الشارع جيد جدًا.