عبد الفتاح السيسي: إوعوا تفتكروا إني هرتاح

طالب المرشح المحتمل لانتخابات الرئاسة المصرية، عبدالفتاح السيسي، المصريين، بالمشاركة في الاتخابات الرئاسية المقرر لها 26 و27 مايو الجاري، قائلاً: انزلوا عشان تدافعوا عن كرامة مصر، واختاروا ما تشاؤون، مضيفًا: يا رب اجعل يومنا الواحد بكفاح أجيال.

السيسي قال في كلمة وجّهها لممثلي الصعيد وأذيعت عبر التليفزيون المصري: أنا لو ربنا أراد الأمر ده إوعوا تفتكروا إني هرتاح، أنا بافكر في السنين اللي بعد كده، يا رب تعيني عشان أرضيهم، في إشارة لموقفه حال فوزه بمنصب الرئيس.

وأكد أنه يهدف إلى إرضاء الغلبان والمسكين والضعيف، وقال: إحنا عاملين ترتيب لبلدنا كويس، ويمكن ده من حظ الصعيد، لأنه زي ما اتحرم أكتر بقى حظه أكتر، ونفس الكلام لسيناء اتحرمت سنين كتير وزي ما اتحرمت كتير يبقى ليها حظ.

واختتم: اللي بتمناه من الله.. يا رب اجعل يومنا الواحد بكفاح أجيال، مشيرًا إلى أن الكل محتاج رعاية وعناية، والترتيب والتخيط المعمول ممكن ناس كتير تخطط لكن العبرة بالتنفيذ.