محمود سعد: حسستونا أنكوا طلعتوا السلم وبعدين زقتوه

استنكر الإعلامي المصري محمود سعد الحكم بحبس الناشطة ماهينور المصري عامين، بتهمة التظاهر، مشيرا إلى أنه لا يعترض على حكم القضاء، لكنه يعترض على قانون التظاهر.

سعد قال –في برنامجه «آخر النهار» على قناة «النهار»-: «هل ينفع إن ماهينور تتظاهر ضد مبارك ومتتسجنش، وتتظاهر ضد مرسي ومتتسجنش، وتتسجن النهاردة؟!، أنا مش معترض على الحكم لكني معترض على القانون الذي دبر بليل وسجن العيال»، مشيرا إلى أن ماهينور مجرد البداية، وأنه سيسجن الكثير في الفترة القادمة بسبب هذا القانون.

وأضاف أن كلام المرشح الرئاسي، المشير عبد الفتاح السيسي، عن هذا القانون، يؤكد أنه موافق عليه، وتابع: «المظاهرات هي اللي خلتنا في الوضع اللي إحنا فيه دلوقتي، اللي خلى المصريين يخرجوا يختاروا الرئيس اللي عايزينه هي المظاهرات، لو كان الشعب مخرجش في مظاهرات يوم 30 يونيو و26 يوليو، إيه اللي كان هيحصل؟، القانون مفهوش عدل، حسستونا أنكوا طلعتوا السلم وبعدين زقتوه».