عمرو أديب: عيب كده يا ابني

استنكر الإعلامي المصري عمرو أديب تهديد الإعلامي توفيق عكاشة للمصريين بالغرامة الانتخابية، لإجبارهم على المشاركة في الانتخابات الرئاسية.

أديب قال –في برنامجه «القاهرة اليوم» على قناة «اليوم»-: «لاقيته إمبارح بيقولهم دول هييجوا ياخدوك من قفاك دول هيبهدلوك، طب ليه كده يا ابني؟، ده جزاء المصريين؟، عيب كده دي إهانة، ليه الإرهاب؟، أنا مصري محدش يهددني، عيب، اللي عايز يروح يروح، واللي مش عايز هو حر، هي بلد ولا إصلاحية»، مشيرا إلى أن قانون فرض غرامة انتخابية، غير دستوري.

وأضاف إنه لم يكن يريد مهاجمة إعلامي آخر، إلا أنه فعل ذلك من أجل الدفاع عن المصريين، وأضاف: «مفيش مصري راح علشان الـ 500 جنيه يا باشا، وحد يبقى يقرب لواحد مصري كده، ده إحنا نطلعها للمحكمة الدستورية العليا، وبعدين القانون بيقول "ما لم يكن عنده عذر مقبول"، ممكن أي حد يعمل شهادة طبية مضروبة بـ 25 جنيه، فمحدش يضحك على الناس، وأنا مبخافش من حد، لسانه طويل أو قصير، لأني لساني طويل أنا كمان».