نوارة نجم تترحم على «زمن المراقبة الجميل»
سخرت الكاتبة الصحفية المصرية نوارة نجم من قرار مراقبة وزارة الداخلية لمواقع التواصل الاجتماعي، مشيرة إلى أنه من الأفضل إلغاء الانترنت من الأساس.
نوارة كتبت: «الراجل بتاع الداخلية بيقول مافيش أي اعتداء على الحرية العلاقات الاجتماعية مفتوحة!!!! تقدر تعمل لايك لصورة أبوك عادي.. وإيه لزوم المراقبة والأذية دي؟ ما يلغوا النت خالص دي حتى خلت الواحد يدمن كاندي كراش واهو على الأقل نترحم من لجانكوا».
وأضافت: «الداخلية عاملة زي آخر مشهد في شاهد ما شافش حاجة لما جاب دفتر وقعد يكتب فيه معاد مرور الزبال وكان لابس إيه.. انت يا ست ياللي بتشتري الأوطة... حتروحي مني فييييين؟ حتروحوا مني فين كلكوا.. طيب مافيش طلب على ورقة دمغة نقدمه للداخلية لما نيجي نشتري الخضار؟ نزلتي من غير أذني يا اميييينة؟».
الكاتبة الصحفية ترحمت على ما أسمته «زمن المراقبة الجميل»، حيث كتبت –على حسابها الخاص على موقع «الفيس بوك»-: «زمن المراقبة الجميل كان المخبر يقعد تحت البيت ويمشي وراك.. أبويا اتصاحب على قرينه وبقوا يتمشوا سوا بدل ما يمشي وراه».