مرتضى منصور: دي بداية النهاية للسيسي

في مداخلة هاتفية لبرنامج «القاهرة اليوم» على قناة «اليوم»، انتقد المستشار مرتضى منصور مناشدة عمرو أديب للرئيس عبد الفتاح السيسي، بالإفراج عن بعض النشطاء السياسيين المحتجزين.

مرتضى قال: «أنا ليا تحفظ على اللي قاله الأستاذ عمرو، لأنه استفزني كمواطن مصري، في فرق بين أنك تقول رأي وأنك تضرب ظابط أو عسكري أو تخون بلدك، الـ 10 نشطاء دول لو السيسي أخرجهم من السجون أنا هبقى أول واحد ضده، لأنه بكده يبقى خدعنا لأنه قال في برنامجه "عودة دولة القانون"».

وأضاف: «لازم المشير السيسي يبص على الناس اللي ساكنين في العشوائيات، والعيال اللي بتنام تحت الكباري، وعلى كل بني آدم بياكل من الزبالة، إنما يبقى عينه على العشرة دول وخايف من الفزاعة القديمة أمريكا لأ طز فيها، الرئيس اللي عايز ينجح عينه تبقى على الغلابة لكن لو خاف من فزاعة بره، هقوله شكرا دي بداية النهاية».